A transformación e a sustentabilidade centrarán o V Encontro de Deseño para a Innovación Empresarial
luns, 27 de xuño do 2022
A
Axencia Galega de Innovación (GAIN) organiza este mércores 29 de
xuño a quinta edición do Encontro de Deseño para a Innovación
Empresarial en Galicia, un evento para conmemorar o Día
Muncial do Deseño Industrial que terá formato híbrido
presencial-virtual: fisicamente dende o CIS Tecnoloxía e Deseño
(Ferrol) e coa opción de podermolo seguir en streaming.
A
cita está aberta a profesionais do deseño de todas as áreas de
especialización (gráfico, estratéxico, de espazos, dixital, de
moda e industrial e de produto), estudantes e representantes de
empresas e outras entidades interesadas en potenciar o deseño como
ferramenta de innovación, competitividade e sustentabilidade nas
súas organizacións.
“Nesta
edición”, informa GAIN, “ponse o foco no deseño como elemento
de transformación capaz de facilitar a innovación nas pemes no
marco dos obxectivos de desenvolvemento sustentábel”.
Os
asistentes terán ocasión de coñecer a experiencia de empresas
galegas que xa están a desenvolver proxectos de aplicación do
deseño estratéxico grazas ao apoio do Programa DeseñaPEME da Xunta
de Galicia.
Os
relatorios estruturaranse en tres bloques:
-Futuro
dixital e desenvolvemento sustentábel.
-O
rural como motor empresarial e de innovación.
-Economía
circular e creativa.
O
abeírase ás celebracións do Día Mundial do Deseño Industrial. No
seu transcurso, media ducia de empresas galegas beneficiarias do
programa DeseñaPEME expoñerán a súa experiencia na incorporación
do deseño como ferramenta de innovación e competitividade
Visión
práctica
As
persoas participantes terán acceso a “unha visión práctica e
aplicada sobre o tema” a través, como dixemos, das experiencias de
empresas galegas que xa están desenvolvendo proxectos grazas ao
apoio do dito programa de GAIN. Star Electrónica e MRF
intervirán como casos de éxito no ámbito do futuro dixital e o
desenvolvemento sustentábel. A-vida by Idoia Cuesta e
Granja Campomayor explicarán de que maneira están a aproveitar
as especificidades do rural como vantaxes para a innovación e a
competitividade. Pola súa banda, Veigas de Sabugueiro e Calor
Color expoñerán tamén os seus proxectos de aplicación do
deseño á economía circular e creativa.
A
visión empresarial completarase co relatorio de Carlota Corzo,
confundadora de Lázzaro, sobre a transparencia, a seguridade
e a rastrexabilidade (trazabilidade) a través do deseño
dixital.
As
persoas que asistan presencialmente terán ocasión de visitar o
stand que a Axencia Galega de Innovación presentou no
festival Imperdibles da Fundación Cotec, celebrado en Segovia, no
que se amosa unha selección de materiais creados na contorna rural
galega.
Serán
expostas as propostas textís de RIR & Co, Io Morales e Tsubaki
Diseño; os xardíns verticais e os materiais de construción a base
de pedra reciclada de NorPromenade e Mámoa Deseños Vivos; os xabóns
artesanais e as esponxas naturais de Mar de Miranda e Ibérica de
Esponjas Vegetales; e os utensilios de cociña, as vigas de madeira
sostibles e os materiais obtidos de residuos da industria forestal
creados por Atalanta Madera, Timbersoul by Cándido Hermida e
Betanzos HB.
Asemade,
poderase apreciar a cestería e o mobiliario urbano feito a partir de
residuos de Idoia Cuesta e Cholita; os zocos e os parches para
instrumentos musicais de Eferro e Landra Típica; e os abonos
ecolóxicos a partir de cuncha de mexillón e as mallas compostábeis
de Ecocelta e Ecoplas Barbanza.
A
cita está aberta á inscrición para profesionais do deseño de
todas as áreas de especialización (gráfico, estratéxico, de
espazos, dixital, de moda e industrial e de produto), estudantes e
representantes de empresas e outras entidades interesadas en
potenciar o deseño como ferramenta de innovación, competitividade e
sustenbatilidade nas súas organizacións.
A
inscrición tanto para asistir de forma presencial como para seguir o
evento en streaming pode formalizarse dende a Rede.