A viguesa Alén Space gaña os Premios EmprendedorXXI en Galicia
venres, 14 de febreiro do 2020
A
empresa viguesa Alén Space
é a vencedora esta ano da edición galega dos Premios
EmprendedorXXI, impulsados por CaixaBank, a través de DayOne, a
súa división especializada para empresas de tecnoloxÃas, e
co-outorgados polo Ministerio de Industria a través de ENISA,
contando
coa colaboración, na nosa terra, do instituto IGAPE. Alén
Space, firma centrada en servizos avanzados de deseño, fabricación
e operatividade de pequenos satélites, amais de desenvolvedora de
negocios no espazo, é unha spin-off da Universidade de Vigo
que, malia a súa breve historia, xa foi quen de conseguir grandes
fitos tecnolóxicos, como os lanzamentos do Xatcobeo (o primeiro
nanosatélite español da historia), ou do Lume-1 (o innovador
nanosatélite da UVigo para a detección temperá de incendios
forestais e soporte dos labores de extinción).
Obra
de Alén Space é tamén a materialización, dende a súa sede Porto
do Molle (Nigrán) do primeiro CubeSat (estándar de deseño de
nanosatélites) enviado pola ONU.
O
premio inclúe unha dotación económica de 5.000 euros e o acceso a
un programa internacional de acompañamento en Silicon Valley,
organizado por ESADE en colaboración coa Singularity University, ou
un curso internacional de crecemento empresarial, Ignite Fast Track,
da Universidade de Cambridge (Reino Unido).
- Foto de grupo dos finalistas do Premio EmprendedorXXI Galicia
O
galardón entregouse no marco da xornada de innovación, tecnoloxÃa
e emprendemento DayOne Innovation Summit, un programa creado
por CaixaBank DayOne, que reuniu aos principais axentes do ecosistema
emprendedor, tecnolóxico e investidor de Galicia.
O
director territorial de CaixaBank en Galicia, Marc Benhamou, e o
conselleiro delegado de ENISA, José Bayón, presidiron a entrega do
premio e recoñeceron a actitude e a calidade dos proxectos dos
emprendedores.
A
xornada
Na
xornada DayOne Innovation Summit celebrada en Santiago de
Compostela, a entidade reuniu a máis de oitenta persoas. Ao seu
abeiro celebráronse demostracións, clases maxistrais, relatorios e
mesas redondas, nas que diferentes expertos explicaron as novas
tendencias no emprendemento e as particularidades de ámbitos de
traballo como os negocios avanzados do motor e aeroespaciais.
