A web de Talentia Summit ‘20 rexistrou máis de 150.000 visitas na última semana
xoves, 19 de novembro do 2020
O
Concello de Santiago vén de facer un balance da actividade xerada
estes días pola web Talentiasummit.com,
que á páxina oficial do encontro de emprendemento innovador
Talentia Summit, organizado polo Goberno compostelán. Segundo
explicou, o sitio online da feira, que este ano vén cun
formato marcadamente virtual, rexistrou máis de 150.000 visitas na
última semana. Amais, nos cinco primeiros días completouse a
inscrición no 87% das accións formativas, cun total de máis de
4.000 reservas para participar nas diferentes actividades
(coñecemento de idiomas, administracións de empresas, certificados
oficiais). Por certo que o prazo de inscrición abriuse o sábado 14.
Por
outra banda, o Concello informou de que os usuarios xa reservaron
máis de 1.500 citas cos responsábeis de contratación das empresas
nos seus stands virtuais e en breve abrirase a convocatoria no
catálogo de webinarios. Á súa vez, as sesións de mentoring
e orientación laboral tiveron unha excelente acollida con máis do
50% de reservas.
Porén,
a organización lembra que aínda hai dispoñibilidade de prazas en
cursos “moi interesantes para o desenvolvemento profesional” como
a acción formativa sobre Microsoft Office Specialist, diversos
cursos de formación en directo (para seguir os días da feira) e
obradoiros online arredor de diferentes categorías para poder
completar en calquera momento.
En
concreto, estas eran as actividades dispoñíbeis a data de 19 de
novembro:
-
Citas e entrevistas con responsábeis de empresas
-
Ofertas de emprego
-
Cursos de formación en directo
-
Prazas para mentoring persoal
-
Webinarios que abrirán as inscricións nos vindeiros días
Ademais
das actividades dispoñíbeis en Talentia Summit ‘20, tamén seguen
abertas as máis de 300 ofertas de emprego, para un total de 700
postos de traballo.