AJE e AJE Ferrolterra mostran en catro sesións os pasos a seguir para transformar a nosa empresa

A Asociación de Empresarios Novos de Galicia (AJE), coa colaboración de AJE Ferrolterra e a Xunta de Galicia, están a levar a cabo unhas xornadas de balde para persoas autónomas sobre tecnoloxía e empresa que se compoñen de catro sesións formativas impartidas de maneira online.
Este xoves 12 de novembro de 16.00 a 20.00 horas celebrarase a segunda sesión, que tratará sobre transformación dixital e sobre como afrontar este proceso nunha empresa. Con esta cita perséguese mostrar como detectar necesidades no proceso de evolución ao dixital e coñecer utilidades e programas que permitan mellorar o rendemento dun negocio na nova contorna tecnolóxica.
As xornadas completaranse con dúas sesións máis os días 19 e 26 de novembro no mesmo horario onde se poderá coñecer como facer bos contidos para mellorar a visualización dunha marca na web (e acadar a primeira páxina do buscador Google) e as claves do teletraballo e o almacenamento de información na nube. Na última sesión avaliarase como por mor da COVID cambiou a forma na que usamos as redes sociais para traballar e recomendacións sobre o uso profesional das mesmas. As inscricións poden realizarse a través do teléfono 981 333 322 ou do correo electrónico aje@cofernet.com.