ARCHOS estrea un par de tablets económicos con banda larga móbil

venres, 27 de decembro do 2013 Marcus Fernández

O ARCHOS 70 Xenon é ideal para os que precisen dun dispositivo de elevada mobilidade

O fabricante francés ARCHOS está a ampliar a súa gama de tablets con Android 4.2 cun par de novos dispositivos con conectividade 3G/HSDPA+, o ARCHOS 70 Xenon e o ARCHOS 101 Xenon.
O ARCHOS 70 Xenon busca satisfacer aos usuarios que precisan dunha alta mobilidade, para o que conta cunha pantalla IPS de 7 polgadas cunha resolución de 1.024 x 600 píxeles, procesador A7 de dobre núcleo a 1,2 GHz, 512 Mb de RAM, 4 Gb de almacenamento interno (ampliable mediante tarxetas de memoria microSD de ata 64 Gb), cámaras de 2 e 0,3 Mpíxeles, Wi-Fi, Bluetooth, GPS, un grosor de 10,2 milímetros e un peso de 360 gramos, que pese a non ser un dispositivo de grande potencia, pode resultar atractivo grazas ao seu prezo de só 129,99 euros (prezo moi axustado para un dispositivo con acceso á banda larga móbil).
Pola súa conta o ARCHOS 101 Xenon chega cunha pantalla IPS de 10,1 polgadas cunha resolución de 1.280 x 800 píxeles, procesador A7 de catro número a 1,2 GHz, 1 Gb de RAM, 8 Gb de almacenamento interno (ampliable mediante tarxetas microSD de ata 64 Gb), cámaras de 2 e 0,3 Mpíxeles, Wi-Fi, Bluetooth, GPS, un grosor de 10 milímetros e un peso de 630 gramos que espérase que custe uns 250 euros, o que tamén resulta bastante atractivo para un dispositivo coas súas prestacións.

O ARCHOS 101 Xenon conta con pantalla IPS de 10,1 polgadas e conectividade 3G/HSDPA+

PUBLICIDADE