Acer anuncia unha cámara 3D de fotografía e vídeo

Acer sorprendeu hoxe anunciando nuns meses vai pór á venda unha cámara 3D chamada Acer SpatialLabs Eyes, que permitirá a captación de fotografías e vídeo en formato estereoscópico, cunha resolución de 8 Mpíxeles por ollo, conseguindo así unha grande nitidez de imaxe e unha boa sensación de profundidade, aínda que sorprendendo polo feito de que falamos dun efecto 3D clásico, e non do formato VR180 que sería o máis práctico para visores de realidade estendida.
A intención de Acer é que esta nova cámara non se limite a fotografías e vídeo en 3D, senón que tamén poida empregarse para realizar emisións en directo a través de YouTube ou para participar en xuntanzas a través de Teams, Zoom ou Google Meet cun maior realismo grazas ao efecto de profundidade que achega o vídeo estereoscópico.
A cámara captaría imaxes 4K para cada ollo, rexistrando até 30 imaxes por segundo na súa máxima resolución, polo que sería unha boa solución dende o punto de vista do vídeo en 3D máis tradicional, pero demasiado limitado se pensamos nas capacidades dos visores de VR actuais (que serían os dispositivos de consumo máis habituais para este tipo de contidos).
Está previsto que esta cámara chegue ao noso mercado no terceiro trimestre do ano a un prezo de 549 euros.