Adamo achega fibra óptica de 1 Gbps e 20 GB para o móbil por 30 euros ao mes durante un ano

Co comezo de ano, Adamo puxo en marcha as súas rebaixas de xaneiro. Desta volta fíxoo coa mirada posta no longo prazo, xa que todos os paquetes de fibra óptica móbil ou de fibra óptica móbil fixo teñen un 25% de desconto durante un ano. En concreto, Internet ultrarrápida (1 Gbps) para casa e 20 GB para o móbil por 30 euros ao mes ao longo de 12 meses. É a oferta para aquelas persoas que contraten ata o 31 de marzo.
Se se suma o ano enteiro, o aforro total sobre os prezos habituais do operador quedaría entre 54 e 216 euros, explica a operadora, engadindo que en función da modalidade do paquete, das combinacións con fixo e móbil e os GB para este último, resulta a seguinte desagregación:
Para a modalidade de só fibra óptica de 1 Gbps, 54 euros de redución.
Para fibra de 1 Gbps con fixo, 66 euros de promoción.
Para fibra de 1 Gbps con móbil de 20 GB, 132 euros de rebaixa.
Para fibra de 1 Gbps con fixo e móbil de 20 GB, 144 euros de recorte.
Para fibra de 1 Gbps con móbil de 50 GB, 132 euros de desconto.
Para fibra de 1 Gbps con fixo e móbil de 50 GB, 156 euros de baixada.
Para fibra de 1 Gbps con móbiles de GB ilimitados, 168 euros de rebaixa.
Para fibra de 1 Gbps con fixo e móbiles de GB ilimitados, 180 euros de aforro.
Para fibra de 1 Gbps con móbiles de 150 GB compartidos, 192 euros menos.
Para fibra de 1 Gbps con fixo e móbiles de 150 GB compartidos, 216 euros por baixo das tarifas normais.
Novas canles de Adamo TV
A operadora destacou tamén que é posíbel agregar o servizo de televisión á carta de Adamo a calquera deses paquetes de fibra e telefonía desta maneira: Adamo TV Basic, con máis de 110 canles por 3 euros ao mes; Adamo TV Premium, con preto de 120 canles por 6 euros mensuais; e Adamo TV Total, con máis de 130 canles por 12 euros ao mes. Ademais, da man das rebaixas, a empresa ofrece as novidades que figuran a continuación.
Incorporación de cinco novas canles ao paquete Basic: Erlo Telebista, Xaloa Telebista, Canle TE, Telesafor e Agrotendencia TV.
As canles TCM, Eurosport 1 e 2 entran no Prémium.
Novos contidos de vídeo baixo demanda para ambos os paquetes, con películas e series gravadas das canles incluídas no Total.
Contidos de vídeo baixo demanda para este último paquete sen custo adicional:
-Cociña, ciencia, cinema, deportes, música e telenovelas turcas.
-Todo o catálogo da produtora Acontra.
-Cinema de adultos, con máis de 1.000 títulos.