Adamo ofrece no Black Friday liñas móbiles adicionais con GB ilimitados por 5 euros

Adamo aprobou o que sería, en palabras da operadora, o Black Friday máis orixinal da súa historia. A promoción inclúe por unha banda a posibilidade de engadirmos liñas móbiles adicionais con GB ilimitados desde 5 euros ao noso paquete de telefonía e Internet denominada Caaalma Total. Amais, sorteará o equipamento de dous salóns por importe de 10.000 euros cada un. En total, 20.000 euros.
Sorteo para novos clientes
Adamo explica que as persoas que contraten ata o 18 de decembro participarán automaticamente no sorteo do equipamento dun salón de ata 40 metros cadrados. O gañador terá a oportunidade de poñelo ao seu gusto e coa axuda dun interiorista experto.
Sorteo tamén para os clientes actuais
Así mesmo, Adamo fará outro sorteo exclusivo para clientes actuais que participen ata o 2 de xaneiro no post correspondente de Instagram ou Facebook da empresa. O cliente será premiado co equipamento do seu salón de ata 40 metros cadrados nas mesmas condicións que o anterior, a gusto do afortunado e coa axuda dun interiorista experto.
Fibra de 400 Mb e móbil con 15 GB por 19 euros
Para quen “busca prezo económico e a tranquilidade de pagar só polo que necesita”, Adamo dispón da tarifa Caaalma, que, por 19 euros, inclúe fibra óptica de 400 Mb para casa e móbil con 15 GB de datos. Se quixeramos enriquecer o pack, por 10 euros máis podemos agregar unha das seguintes opcións:
-Móbil con GB ilimitados.
-Fibra de 1 GB para casa.
-Un router Wi-Fi 6 xunto cun amplificador para potenciar o sinal en cada recuncho da vivenda.
Fibra de 1 Gbps e móbil ilimitado por 39 euros
Finalmente Adamo lembra que “para aquelas persoas que queren a máxima velocidade, coa mellor cobertura e unha experiencia móbil ilimitada, a nosa empresa dálles tranquilidade a través da tarifa Caaalma Total, pensada en especial para as familias e que consta de fibra óptica de 1 Gbps e datos sen límite por 39 euros”. Tamén neste caso é posible agregar liñas adicionais con GB ilimitados por 5 euros ao mes. Este paquete xa leva o router Wi-Fi 6 e o amplificador de sinal.