Adeus ao inventor da primeira consola de videoxogos

O pasado sábado deixounos un dos grandes inventores do século XX, considerado un dos pais dos videoxogos, Ralph H. Baer, quen inventou e patentou a primeira consola de videoxogo doméstica, a caixa marrón que no seu lanzamento comercial respondería ao nome de Magnavox Odyssey en 1973, vendendo unhas 130.000 unidades o primeiro ano e chegando ata unhas 330.000 unidades en 1975, aínda que a compañía detrás da máquina veuse rapidamente eclipsada por Atari, convertendo en negocio as súas patentes.
Pero Baer non é só coñecido por sentar as bases do que son hoxe as consolas de videoxogos, senón que tamén acumulou máis de 150 patentes, e desenvolveu moitos produtos de electrónica de consumo entre os que hai xoguetes electrónicos entre os que destaca especialmente o SIMON.
Baer recibiu a Medalla Nacional de Tecnoloxía da man de George W. Bush en 2006 como recoñecemento ás súas achegas á industria dos videoxogos. Finou aos 92 anos, pero ao 89, cando a PBS dedicou unha reportaxe á súa persoa, aínda se mantiña activo: