Advirten dunha páxina web que suplanta a Facebook para roubar os datos de entrada dos seus usuarios

PandaLabs anunciou da localización dunha páxina web falsa, que imitaría a aparencia de Facebook para roubar os contrasinais desta plataforma de redes sociais, presentando unha portada moi semellante, así coma un nome de dominio (nfacebook.net) que podería levar á confusión.
Esta nova web fraudulenta estaría a difundirse grazas a unha serie de correos electrónicos masivos e de tácticas de posicionamento en buscadores para facer que os usuarios cheguen a ela de xeito doado.
Ante este tipo de ameazas cómpre tomar as mesmas precaucións que para calquera outro caso de phishing: non seguir as ligazóns incluídas en correos electrónicos non solicitados, verificar os enderezos das webs nas que introducirmos os nosos datos e cambiar o noso contrasinal en caso de sospeita.