After Burner podería rexurdir coma xogo descargable

xoves, 26 de novembro do 2009 Marcus Fernández

Os organismos de cualificación por idades dos videoxogos serven moitas veces para adiantarse aos propios desenvolvedores no anuncio de novos lanzamentos, e agora temos coma tanto en Australia coma en Corea do Sur aprobaron a cualificación de After Burner Climax, xogo que podería supor o relanzamento da saga de After Burner iniciada por SEGA en 1987 nunha máquina recreativa que destacaba por simular a cabina dun caza na súa versión máis sofisticada (aínda que o xogo tamén funcionaba en recreativas básicas).
No Xapón xa sacaron hai uns 3 anos unha recreativa co nome de After Burner Climax, polo que é de agardar que esteamos ante un xogo descargable para Xbox 360 e PlayStation 3, que seguiría así a estela de distintos clásicos de recreativa que están a rexurdir dese xeito, como aconteceu con Street Fighter II e OutRun.

Imaxe da recreativa orixinal