Alén Space e EGATEL revolucionarán as comunicacións marítimas cun novo proxecto: SATMAR

As firmas innovadoras galegas Alén Space e EGATEL seguen a dar imporrtantes avances en materia de comunicacións marítimas a través do proxexto SATMAR, dirixido a dixitalizar este tipo de comunicacións. Neste intre, as dúas empresas preparan a validación en órbita do novo estándar VDES (VHF Data Exchange System). Esta iniciativa, explican, “inclúe o deseño, a fabricación, o lanzamento e a operación dun nanosatélite destinado a avaliar a capacidade desta nova tecnoloxía”o O obxectivo é frecer novos servizos á industria naval e impulsar a súa transformación dixital.
Trátase así de probar, nun escenario real, a viabilidade dunha solución completa de comunicacións e servizos satelitais co estándar VDES. Este innovador proxecto, que en palabras de EGATEL e Alén Space, “está chamado a revolucionar as comunicacións marítimas en todo o mundo”, é unha das iniciativas seleccionadas polo fondo de capital Ports 4.0, impulsado por Portos do Estado e polas Autoridades Portuarias Españolas.
Ademais da posta en órbita dun nanosatélite 6U, prevista para comezos do ano 2024, o proxecto tamén contempla o desenvolvemento de terminais embarcados e de estacións costeiras, “un paso fundamental para avanzar cara ao despregamento real da tecnoloxía VDES”, sinalan, engadindo que SATMAR pretende “demostrar a eficacia do novo estándar, que integrará o actual sistema AIS de comunicacións marítimas, e que permitirá ofrecer novos servizos para mellorar a seguridade das embarcacións”.
Vantaxes
Entre as vantaxes da tecnoloxía VDES destacan a capacidade de proporcionar comunicación bidireccional, o mantemento da conectividade mesmo a grandes distancias da costa, a prevención de problemas de saturación de redes, a estimación máis precisa dos tempos de chegada das embarcacións, a mellor xestión das alertas marítimas e o cifrado da información transmitida.
Un proxecto pioneiro
Alén Space e EGATEL lembran que arestora non existen operadores de satélite que estean a explotar comercialmente o estándar VDES, polo que SATMAR “pode situarse” como unha solución de vangarda para as comunicacións do sector naval. “Queremos capturar esta oportunidade que temos diante de nós para formar parte deste cambio e apostar pola tecnoloxía VDES”, explica Antonio Vázquez, responsable de desenvolvemento de negocio e co-fundador de Alén Space. “Con SATMAR podemos situar a España e ás empresas que participamos neste proxecto como pioneiros no campo das comunicacións marítimas”, engade.
Vázquez engade que a incorporación dos satélites á tecnoloxía VDES supón un “salto disruptivo que permitirá abordar a dixitalización das comunicacións no mar, xa que o seu desenvolvemento é clave para a transformación dixital do sector marítimo”.ón natural do proxecto SHIPMATE, xa que imos probar en órbita a tecnoloxía desenvolvida”, explica Antonio Vázquez.
A maiores, para a execución do proxecto contarase coa participación da Autoridade Portuaria da Baía de Alxeciras e das empresas Oritia & Boreas, S.L. e Hércules Control, S.L., como representantes de pemes do sector marítimo-portuario”, comenta Manuel Pozo, SVP of Sales Engineering & Consulting de Egatel. Deste xeito, ao involucrar a participación directa destes axentes, “posibilítase coñecer de primeira man as potencialidades reais da tecnoloxía polo ámbito loxístico-portuario e do sector marítimo en xeral”, engade Manuel Pozo.
Recursos en xogo
O satélite de SATMAR contará cunha plataforma de radio definida por software (SDR) de alta capacidade que permitirá implementar nun mesmo módulo un transceptor de VDE satelital (VDE-SAT) para unha banda de frecuencia VHF e un enlace de alta velocidade con terra. Esta tecnoloxía cobre todas as necesidades do proxecto sen desenvolvementos adicionais e permitirá minimizar o volume e a masa do satélite, co que se reducirán os custos de desenvolvemento e de lanzamento, o que á súa vez facilitará o despregamento de constelacións de nanosatélites para proporcionar servizos VDES.
Alén Space e EGATEL xa colaboraran previamente no desenvolvemento dunha solución VDES para a dixitalización das comunicacións navais no marco do proxecto SHIPMATE (Satellite Hybrid Information Protocol for MAritime TElecommunications), no que tamén participaba o Centro Tecnolóxico de Telecomunicacións de Galicia (Gradiant). “SATMAR é un proxecto con múltiples desafíos técnicos, que podemos considerar como a continuación natural do proxecto SHIPMATE, xa que imos probar en órbita a tecnoloxía desenvolvida”, explica Antonio Vázquez.