Angry Birds: Star Wars e Angry Birds Space estrean versión para Windows Phone 7.5

Co lanzamento de Angry Birds: Star Wars destacouse o feito de que, aparte de contar con versións do xogo para iOS, Android, PC e OS X, o xogo tamén estaba dispoñible para Windows Phone 8, pero este sistema operativo apenas conta con terminais no mercado (de feito, en España só está oficialmente á venda o HTC Windows Phone 8X, agardándose o resto de opcións para primeiros do ano que vén), e para chegar a un público maior os de Rovio veñen de publicar versións para Windows Phone 7.5 de Angry Birds: Star Wars e Angry Birds Space, que están á venda por 0,99 euros cada unha, e que deste xeito están dispoñibles para numerosos móbiles con Windows Phone no mercado como os Lumia 710, 800 e 900 (que gozan dunha presenza considerable dentro deste tipo de dispositivos) e incluso poderían chegar no futuro aos Lumia 610 e 510 (terminais que inicialmente quedan fóra por contar só con 256 Mbytes de RAM, o que limita varias das súas prestacións).