Angry Birds pasará de iOS a DS, PSP e PS3
luns, 2 de agosto do 2010
Algúns videoxogos
para iPhone están a converterse en auténticas lendas, coma o Doodle Jump, e mesmo o seu paso polos
terminais de Apple axúdalles a saltar a outras plataformas (coma está a pasar
co Plants vs Zombies) e agora o xogo Angry Birds de Chillingo, que tivo unha acollida
incriblemente boa no iPhone e no iPad (conta cunha versión HD para o tablet de
Apple) sumando unhas vendas superiores aos 2 millóns de libras, trasladarase a
distintas consolas de videoxogos, coma confirmou o co-fundador de Chillingo, Joe
Wee, que asegurou que Angry Birds
chegará a «Nintendo DS, Sony PSP e PS3»,
o que entendemos que será un lanzamento na mesma liña dos anteriores: a través
das plataformas de descargas de xogos (e non coa tradicional distribución en
caixa).
Angry Birds é un orixinal xogo que
consiste en lanzar paxaros de distintas caracterÃsticas cun tiracroios para
rematar con todos os porcos verdes que hai en cada pantalla, para o que hai que
valerse de todos os elementos que hai no decorado, que podemos demoler. O éxito
depende en boa medida da experiencia e da reiteración dos distintos niveis ata
conseguir o agardado obxectivo do xogo, ou sexa, que hai que combinar lóxica,
habilidade e forza bruta para rematar cos malvados porcos que roubaron os ovos
dos paxaros anoxados.
Demostración de varias fases do xogo