Anuncian novos xogos para Stadia

martes, 14 de xullo do 2020 Marcus Fernández

Esta tarde tivo lugar un novo Stadia Connect, evento de presentación de novos xogos que chegarán a plataforma de videoxogos por streaming de Google, estre os que destacan os títulos Outcasters (título multixogador competitivo en liña ambientado nun mundo de vinilo), Orcs Must Die! 3 (tower defense que estrea hoxe mesmo a súa nova entrega en primicia en Stadia), Super Bomberman R Online (xogo que chegará en primicia no outono ofrecendo a posibilidade de botar partidas battle royale para até 64 xogadores), One Hand Clapping (quebracabezas no que hai que cantar), NBA 2K21, Dead by Daylight, a triloxía de Hitman, Serious Sam 4, Outriders (shooter de rol cooperativo de Square Enix), WWE 2K Battlegrounds, PGA Tour 2K21, Hello Neighbor e o xogo de samurais Sekiro: Shadows Die Twice.
Non estamos precisamente ante anuncios especialmente importantes que vaian disparar a popularidade da plataforma de xogo na nube de Google, pero se sumamos o anuncio de acordos con Supermassive Games, Harmonix e Uppercut Games, temos que Stadia aínda ten posibilidades para manter certo pulo nos vindeiros meses, cando terá que facer fronte ao lanzamento dunha nova xeración de consolas de videoxogos.

Vídeo co Stadia Connect íntegro de hoxe

PUBLICIDADE