Anuncian oficialmente o Garminfone

mércores, 21 de abril do 2010 Marcus Fernández

O fabricante de navegadores GPS Garmin estrea teléfono co sistema operativo Android, que vai comercializar nos EE.UU. a operadora T-Mobile, e que responderá ao nome de Garminfone. Estamos ante un terminal con pantalla táctil de 3,5 polgadas, cámara de 3 Mpíxeles con enfoque automático, lector de tarxetas de memoria de ata 32 Gb, Wi-Fi, Bluetooth, mini USB e as aplicacións típicas dun terminal con Android (navegador web completo, reprodutor multimedia…) que destaca por gozar de características de navegación GPS avanzadas, con indicacións por voz, tempo estimado de chegada, indicadores de velocidade, guía de carril… e cos mapas de Norteamérica precargados.
O lanzamento deste móbil será durante a primavera, e descoñécese se vai ter distribución internacional.

PUBLICIDADE