Apple Music chega aos altofalantes con Alexa
mércores, 21 de agosto do 2019
O
servizo de streaming musical de Apple non quere pecharse aos seus
subscritores e, aÃnda que está optimizado para o seu uso dende os dispositivos
móbiles de Apple e altofalantes como os HomePod, tamén conta con aplicación
para Android e agora vén de abrirse en España tamén a altofalantes de
terceiros, o que poden comprobar os posuidores dun altofalante Amazon Echo, que
dende
hai unhas horas poden gozar da skill de Alexa para poder gozar de Apple
Music mediante ordes faladas. Esta funcionalidade tamén está dispoñible noutros
altofalantes conectados que fan uso de Alexa como o Sonos One e o Sonos Beam.
Os usuarios de altofalantes con Alexa que estean subscritos a Apple Music poden
agora reproducir as súas propias listaxes de reprodución, conseguir mesturas de
Apple Music inspiradas nas cancións que máis escoiten, sintonizar a radio Beats
1 e escoitar listaxes de reprodución seleccionadas para cada ocasión.