Apple renova a súa oferta de ordenadores portátiles

Trala chegada ó mercado dos novos procesadores de Intel para ordenadores portátiles se vén rumoreando que Apple renovaría os seus MacBook coa tecnoloxía Santa Rosa, pero finalmente non foi así, e a compañía de Steve Jobs só renovou a súa oferta de portátiles incrementando a súa velocidade e/ou reducindo o seu prezo, de xeito que a partires de hoxe contan cun prezo máis competitivo.
Neste momento xa se poden adquirir portátiles MacBook con pantalla de 13 polgadas a velocidades de entre 2 e 2,16 GHz (desbotando o modelo de 1,83 GHz) a prezos de referencia de entre 999 e 1.399 euros, mentres que os portátiles de alta gama, os MacBook Pro, van dende o modelo de 2,16 GHz e unha pantalla de 15 polgadas ata o modelo a 2,33 GHz cunha pantalla de 17 polgadas a prezos de entre 1.939 e 2.719 euros.
Os novos portátiles integran a webcam iSight e poden conectarse sen fíos a redes 802.11n (máis rápidas e con máis cobertura que as 802.11g), e xa se poden adquirir tanto nas tendas físicas como na Internet.