Armagedonia, un xogo web de estratexia creado en Vigo

Valera Vita Games, S.L. é una compañía viguesa creada polos irmáns nacidos en Melide José Manuel e Iago Rodríguez, que veñen de estrear un xogo en liña chamado Armagedonia, que pode xogarse directamente dende o navegador web, e que introduce aos usuarios nun mundo persistente de estratexia no que o rexistro é de balde (aínda que aspiran a que no futuro poidan gozarse de vantaxes mediante pagamento, como outros títulos freemium).
Deste xeito Armagedonia presume de ser o primeiro xogo galego en liña de calidade que non precisa de descargas para o seu funcionamento, que permite que os participantes nesta aventura poidan defender as súas fortalezas, expandirse e conquistar territorios. No xogo atoparemos aventuras, estratexia, batallas, construción, comercio, xestión de recursos... elementos ao que están afeitos moitos xogadores de PC, e que agora poden gozar del balde directamente dende o seu navegador web.
Para introducir aos usuarios no mundo de Armagedonia na súa páxina web publicaron un cómic que serve de prólogo a esta aventura medieval (e que pode descargarse en formato PDF), un wiki no que detallan os pormenores do xogo e incluso un foro no que resolver dúbidas e relacionarse con outros xogadores.