A entidade ISMS Forum Spain, centrada no impulso da seguridade da información celebrará o vindeiro 19 de novembro unha sesión na sede de Abanca en Santiago, de 9:00 a 13:30 horas, para inaugurar o capítulo galego da asociación.

A franquía galáctica de Star Wars está máis viva que nunca, e a poucas semanas da estrea do seu Episodio IX nos cines temos tanto a serie The Mandalorian en Disney+ como un grande título de Electronic Arts, Star Wars: Jedi Fallen Order, que hoxe mesmo saíu á venda para Xbox One, PlayStation 4 e PC, e que atende unha longa demanda dos xogadores ao ofrecer unha experiencia de acción en terceira persoa orientada ao xogo individual, ou sexa, que temos a posibilidade de vivir unha nova historia de Star Wars.

Hai uns meses soubemos da Lenovo Smart Tab M10, unha tableta que podía colocarse sobre unha base con altofalantes para funcionar en mans libres con Alexa, e agora chega a España a tableta Alcatel 3T 10, unha proposta semellante que en vez de apostar polo asistente de voz de Amazon opta polo de Google.

Tras unha sucesión de adiamentos por fin chegou hoxe ao mercado chinés o agardado Huawei Mate X, o primeiro smartphone con pantalla encartable da compañía chinesa que destaca por ousar a situar a súa pantalla encartada no exterior do dispositivo, exposta ás agresións do uso diario, o que fai que sexa un produto tan atractivo como fráxil.
Este novo dispositivo púxose á venda por 16.999 iuans (2.195 euros) e as unidades esgotáronse en só uns poucos minutos, polo que podemos entender que o número de unidades postas á venda foi moi limitado, e non haberá máis dispoñibles até o venres 22.

Un total de 178 centros de ensino públicos de toda Galicia desenvolverán este curso o programa de innovación educativa Introdución á robótica educativa en primaria, que busca esperar nos máis cativos o interese polas novas tecnoloxías dende o punto de vista máis construtivo e participativo posíbel, iniciándoos nas experiencias da programación e a robótica. Dos 178 centros que forman parte da iniciativa, 25 adheríronse este ano académico.

A directora da Axencia Galega de Innovación (GAIN), Patricia Argerey, participou hoxe en Lugo na inauguración da fase de Academia da aceleradora ViaGalicia na súa sede nesta cidade, onde destacou que esta iniciativa xa ten permitido a posta en marcha de 68 empresas que están a xerar 340 empregos e captando preto de 19 millóns de euros de financiamento.

O conselleiro de Economía, Emprego e Industria, Francisco Conde, asistiu hoxe ao espectáculo O futuro é hoxe, enmarcado na iniciativa Deseño, Ciencia e Tecnoloxía para a xuventude (D’Tec) que se celebra no CIS Galicia co obxectivo de espertar vocacións científico-tecnolóxicas entre o alumnado de primaria, secundaria, bacharelato e ciclos formativos.

A través dos Premios Manuel Beiras, o Concello de Santiago e a Cámara de Comercio local levan 20 anos recoñecendo o uso do galego das comunicacións das empresas e comercios locais. Agora, trala natural evolución do certame, que se adaptou plenamente ao uso das redes sociais (onde tamén se pon o punto de mira para comprobar o nivel de compromiso coa lingua dos aspirantes), poderíase dicir que a iniciativa abre un novo capítulo na súa andaina, un feito ao que se suma a estrea da nova concelleira de Políticas Lingüísticas, Noa Díaz, á fronte da mesma. Foi Noa Díaz, xunto co vogal da Cámara de Comercio, Xavier Freire, quen deu a coñecer hoxe a nova convocatoria.

O operador de Telecomunicacións R vén de renovar a súa colaboración co Círculo de Empresarios de Galicia para, nas súas palabras, facer avanzar a transformación das empresas e entidades da nosa contorna á era dixital: un proceso necesario para gañarmos en competitividade, eficiencia, eficacia, rendibilidade, calidade na xestión e sustentabilidade. O novo acordo foi formalizado na sede coruñesa da firma TIC pola presidenta do Círculo, Patricia García, e o director de Empresas de R e máis do Grupo Euskaltel (do que forma parte a operadora galega) Isidro Fernández De la Calle. Con este novo convenio, sinalaron, “ratificamos o noso compromiso con Galicia”.

O mercado dos altofalantes con asistentes de voz é aínda incipiente, e conta cun número de actores bastante reducido (entre os que poderiamos considerar ausente a Apple, xa que o seu HomePod está centrado na reprodución musical e non no uso do asistente persoal), existindo unha clara división entre os mercados occidental e asiático.

A pasada noite o X019 organizado por Microsoft botou a andar en Londres cunha emisión especial de Inside Xbox na que deron conta dunha chea de novas relativas ao mundo dos videoxogos, nos que as consolas Xbox foron o eixe ao redor do que xiraron, aínda que tamén adiantaron detalles sobre o cada vez máis prometedor sistema de xogo na nube que está a preparar a compañía de Redmond.

Xa hai entidades gañadoras para o Reto Industria 4.0 lanzado por CITIC Censa ao abeiro do centro de crowdworking tecnolóxico Galicia Open Future, impulsado por Telefónica dende a Cidade da Cultura en Santiago. Segundo informa a operadora, a empresa Siali tratará de mellorar o proceso de fabricación de pezas metálicas semicilíndrica, e o CEIT (Centro de Estudos de Investigacións Técnicas con sede en Guipuskoa), encargarase de emendar problemas de perforación en.

Os pasados días, o director do centro infantil Pasitos, con sede en Oviedo e moi centrado nas formas máis innovadoras da educación e o desenvolvemento das nenas e nenos, visitou a sede do Centro de Investigación TIC da Universidade da Coruña (CITIC), co obxectivo de establecer novos acordos de colaboración entre ambas entidades, con vistas a avanzar na integración de contornas virtuais inmersivas como “novas ferramentas de intervención en nenos con fins terapéuticos”.

O actual programa formativo FEUGA (Fundación Empresa-Universidade Galega), con sede na Universidade de Santiago, ampliouse esta tempada Curso sobre Predición da Demanda en R, o software estatístico de gran presenza en ámbitos de investigación e empresariais avanzados. Segundo informa a fundación sobre os obxectivos da actividade formativa, esta quere ser un recurso de gran utilidade para sermos quen de anticiparnos aos requirimentos dos nosos clientes e dos usuarios dos nosos servizos: “A xestión da demanda é un aspecto importante de case calquera cadea de subministración, representa a conexión entre os clientes, o produto, e outras facetas da empresa”.

A páxina web de contido adulto Pornhub ten actualmente uns 100 millóns de usuarios diarios e, aínda que para a meirande parte os usuarios pase desapercibido, é unha importante fonte de ingresos para moitos creadores de contido erótico, tanto empresas como particulares, negocio que vén de topar un importante atranco no camiño, xa que PayPal decidiu deixar de darlles servizo, de xeito que máis de 100.000 persoas poderían verse afectadas por esta medida que impediríalles recibir os seus ingresos económicos.

Dende Instagram están a realizar probas do que podería chegar a ser un cambio profundo no funcionamento desta plataforma social, que consistiría en agochar os gústames de cada publicación, de xeito que os usuarios podería saber a quen gustaron as súas publicacións, pero tal cantidade non sería visible para terceiros, co que buscan que os usuarios atenden aos contidos pola súa afinidade aos mesmos e non porque vexan que gustan a moita xente.

A ABE segue na súa escala ascendente de introducir na vangarda tecnolóxica (novas maneiras de xestionar, de promover, de vender, de distribuír, de comunicarse, etc) ás empresarias e empresarios de Boiro. Se os días pasados falamos da formación en tecnoloxías de 40 integrantes da asociación e, tamén, das actividades de divulgación para habilitar nos establecementos locais o tícket dixital, hoxe a sede da ABE púxose ao tanto de todo o relacionado coa chamada Cuarta Revolución Industrial. Falamos da xornada Industria e Empresa 4.0, As claves da empresa intelixente, que se celebra este xoves da man do Círculo de Empresarios de Galicia, en colaboración co IGAPE, a Asociación para Progreso da Dirección (APD) e o Círculo Financeiro de Galicia.

Este mes de novembro toca poñer sobre a mesa a cuestión dos videoxogos dende unha óptica feminista e libre de estereotipos e ideas preconcibidas. Este será un dos obxectivos básicos da nova convocatoria de Co(m)xénero, o Seminario Permanente de Comunicación e Xénero da Universidade de Santiago, que volve, en palabras das organizadoras, “para dar voz ás mulleres que fan dos videoxogos a súa paixón e a súa profesión”. Participarán xogadoras, comunicadoras, desenvolvedoras, pioneiras galegas, docentes, programadoras, artistas e divulgadoras. A cita será os días 18 e 19 deste mes, na Facultade de Ciencias da Comunicación, xuntando forzas para “repensar as formas nas que o sexismo persiste no sector”.

A Xunta anunciou hoxe que o camiño da transformación tecnolóxica da nosa Xustiza está a piques de acadar a implantación da 30 novas salas de vistas dixitais. O dato foi achegado polo director xeral de Xustiza, Juan José Martín, que visitou, xunto coa delegada Xunta en Ourense, Marisol Díaz Mouteira, a Audiencia Provincial da cidade ourensá, unha das 19 salas de vistas sen papeis (e unha das tres da cidade das Burgas) plenamente operativas na nosa terra, ás que haberá que engadir outras 30 en datas vindeiras.

Nos últimos anos HTC perdeu toda a relevancia entre os smartphones de gama alta, pero a súa gama económica baixo a marca Desire parece querer ter algo de presenza no mercado, e así presentan o novo HTC Desire 19s, smartphone que sairá á venda en Taiwán a un prezo de 5.990 dólares taiwaneses (uns 178 euros), aínda que cunhas prestacións propias de móbiles bastante máis económicos.