As Distopías Cotiás da Coruña lévannos hoxe á cuestión da privacidade
luns, 17 de febreiro do 2020
Este
luns vaise celebrar no Centro Ágora a segunda edición da iniciativa
Coruña Dixital (en colaboración coas
Bibliotecas Municipais) Distopías
Cotiás, un espazo de reflexión
colectiva no que abordar o impacto das tecnoloxías, unha
reflexión que será colectiva e que quere abranguer a participación
de persoas de “calquera ámbito”, non só tecnolóxico.
Nesta
segunda xeira de divulgación, que comeza ás 19.00 horas,
convidarase a debater sobre as consecuencias que ten a proliferación
de canles dixitais nas nosas vidas: o que somos agora coas TIC e o
que deixamos polo camiño en materia de protección do noso.
Nesta
ocasión María Cerviño, avogada en NoLegalTech, será a encargada
de aclarar as moitas dúbidas que hai entorno á cuestión da
privacidade, ao mesmo tempo que bota luz sobre os nosos dereitos
en materia de información. María Cerviño tamén axudará aos
participantes a localizar casos de abuso en relación cos datos e coa
información persoal e allea (cada vez máis comprometida).
Máis
sesións
Ao
abeiro das Distopías, neste primeiro semestre de 2020 están
previstas xa as seguintes datas, sempre ás 19h no espazo de conversa
da Biblioteca Ágora: luns 17 de febreiro, luns 16 de marzo, luns 20
de abril e luns 18 de maio.
Para
obter información
puntual destas citas é preciso visitar a
axenda de
Coruña Dixital ou subscribirse no
meetup da iniciativa, onde tamén se
formalizan as inscricións.
Por
último, informamos que existe a posibilidade de propoñer unha
charla, para iso cómpre escribir a ola@distopiascotias.gal.