As Smart Cities centran unha xornada de NOVATFE, o vindeiro martes 30 na EGAP

venres, 26 de novembro do 2021 S. P.

Este martes 30 de novembro vaise celebrar na Escola Galega de Administración Pública (EGAP) de Santiago, a partir das 11.00, unha xornada de divulgación e reflexión arredor das cidades do futuro, que serán, grazas á presenza activa de tecnoloxías disruptivas como a 5G, o Big Data (análise da información masiva), a Internet das Cousas ou a Intelixencia Artificial, máis sustentábeis, mellor xestionadas e comunicadas e, en última instancia, máis cómodas para vivir. O seminario Smart Cities e tecnoloxías de cambio para a administración local encádrase no proxecto NOVATFE.
A inscrición pódese formalizar xa en liña.
Programada da xornada
-11:00 Apertura institucional -
-11:15 Informática ao servizo dos Destinos turísticos intelixentes
Fernando Suarez Lorenzo. Director de Transparencia e Goberno Aberto Deputación de Ourense
Presidente do Colexio Profesional de Enxeñaría Informática de Galicia
-11:45 Vídeo e Intelixencia Artificial nas Smart Cities.
Antonio Rodríguez del Corral. Director executivo de Cinfo SL
Presidente do Cluster TIC de Galicia
-12:15 Descanso
-12:30 Ecosistemas de innovación para Smart Cities
Antonio Guimarey. Xerente de sector público no consultora SILO.
-13:00 CPI como panca de transformación dos concellos
Katia Pérez López. Directora de sector público no consultora SILO
-13:30 Debate final. Transformación das cidades mediante a tecnoloxía.
-14:00 Peche
O proxecto
NOVATFE é un proxecto dirixido ao desenvolvemento de novos modelos de negocio baseados nas chamadas Tecnoloxías Facilitadoras Esenciais (TFE). É unha iniciativa de cooperación transfronteiriza Interreg POCTEP NOVA TFE, cuxa finalidade é apostar por novos modelos negocio ao redor destas tecnoloxías, especialmente ás vinculadas á fabricación avanzada (fabricación aditiva, fabrica 4.0) e TIC (Industria 4.0, Internet das Cousas, Cidades Intelixentes).
O proxecto NOVATFE persegue achegar ás pequenas e medianas empresas de áreas non urbanas do espazo de cooperación ás estruturas de investigación e transferencia existentes (rede específica), apoiar novos modelos de negocio innovadores e intensivos en tecnoloxía (TFE) a través de estratexias innovadoras (laboratorios de experimentación e prototipado), e acompañar ás pemes na súa procura de socios, provedores e financiamento.
O proxecto ten o impulso da Universidade de Vigo, a Mancomunidade do Salnés, a Deputación de Ourense, a Xunta de Galicia (Vicepresidencia primeira) e o Municipio de Valença.

PUBLICIDADE