As aplicacións de Fotopanorama.com, compatibles con trebellos de Apple e con Android

A iniciativa galega Fotopanorama.com, da que falamos recentemente para informar dunha xanela aberta ás Illas Canarias en formato 360º, vén de presentar unha importante novidade no que se refire ao nivel de uso e accesibilidade dos elementos da páxina web en cuestión. Segundo nos conta Ricardo Cambón, fotógrafo e autor do devandito espazo en liña, as aplicacións de fotografía esférica HD360 que se desenvolven ao abeiro desta web, xa son compatibles con iPad, iPhone e máis con Android.
A idea, infórmanos, e ir un pouco máis alá na súa arela de innovación e buscar, ao mesmo tempo, a máxima compatibilidade nos recursos multimedia que se ofrecen. En definitiva e para entendérmonos, a partir de agora, tódalas visitas virtuais que se fagan neste espazo dixital son compatibles cos trebellos de Apple. Segundo engade Ricardo Cambón, as posibilidades que ofrecen estas novas tecnoloxías, funcionando en HTML5, son ben amplas. Un exemplo disto podemos vela na imaxe, unha captura dunha visita virtual realizada recentemente ao novo barco Stril Merkur, fabricando nos Estaleiros Gondán. O mesmo se pode dicir da visita feita aos estudos de Mans-Paideia.