As aplicacións para Android poderán abrirse automaticamente en función do contexto
venres, 20 de maio do 2016
Durante a celebración do Google I/O desvelouse a nova Google Awareness
API, unha ferramenta para as aplicacións para Android que inclúe sete
contextos (hora, posición, lugar, actividade, balizas, auriculares e
meteoroloxÃa) ante os que pode reaccionarse para ofrecer unha experiencia de
uso moito máis persoal. Deste xeito, cando conectamos os auriculares ao móbil e
comezamos a correr poderemos recibir unha suxestión dunha listaxe de
reprodución musical de Spotify que nos acompañarÃa no noso adestramento diario,
á vez que durante a execución dunha aplicación poderÃa aproveitarse a
información recollida pola nova API para un funcionamento optimizado.
Con esta nova ferramenta conseguimos xuntar varias funcionalidades xa existentes
dun xeito máis intelixente, facilitando a súa implementación, conseguindo unha
información de contexto máis precisa e centralizando no sistema o acceso aos
sensores que permiten estas funcionalidades (reducindo asà o impacto na
autonomÃa e no consumo de datos móbiles).
O máis rechamante da Awareness API é que permite que as aplicacións poidan
abrirase de xeito automático, cando se dean certas condicións, o que permitirÃa
que, por exemplo, cando nos poñamos a correr se active automaticamente a
aplicación de rexistro da nosa actividade deportiva, que cando chova á hora que
nos erguemos se abra unha aplicación de predición meteorolóxica para que
sexamos conscientes do estado do tempo ou para que cando cheguemos a un
establecemento comercial se abra a aplicación que facilitará o pagamento da
nosa compra no mesmo. Outras aplicacións optan por reaccionar ao contexto, de
xeito que o lanzador de aplicacións Nova está pensando en adaptarse para
destacar distintas aplicacións en función da hora actual, algún reprodutor
musical adaptará as súas suxestións musicais en función de onde nos atopemos e
o que esteamos facendo (para que escoitemos música animada se estamos facendo
exercicio, ou música máis tranquila se estamos de viaxe) e moitas outras
posibilidades que recaen agora nas mans dos desenvolvedores.