As instalacións do CESGA xa poden visitarse virtualmente a través dos mapas de Google
xoves, 16 de febreiro do 2017
O Centro de Supercomputación de
Galicia (CESGA) é todo un referente da aplicación da computación de altas
prestacións á investigación no panorama estatal, contando tamén con outras
iniciativas que mediante o uso das TIC benefician á sociedade, e dentro das
súas actividades non falta a divulgación, de aà que sexa frecuente que as súas
instalacións en Santiago de Compostela reciban a visita de escolares de toda a
nosa comunidade e incluso a celebración de xornadas de portas abertas para
achegar á cidadanÃa o bo facer desta institución que vén de dar un paso máis
adiante nesta dirección: a creación e publicación dunha visita virtual polas súas
instalacións.
Deste xeito, a
través de Google Street View podemos pasear polas infraestrutura cientÃfica e
técnica singular CESGA, non sendo preciso ser un dos preto de mil alumnos
de bacharelato e ciclos superiores de Galicia para poder coñecer as súas
instalacións, o que permite, dende ver os obxectos da historia da informática
que ocupan os seus corredores como mostra do moito que avanzou a tecnoloxÃa nas
últimas décadas, até contemplar o impresionante
sistema de computación Finis Terrae II, que pode conseguir un rendemento de
até 328 TFLOPS.
Para poder gozar da visita virtual polo CESGA só temos que explorar o recinto a
través de Google Maps dende o ordenador ou dispositivos móbiles, para o que
realizaron detalladas fotografÃas de 360 graos das instalacións do centro, para
o que contouse coa colaboración da empresa
coruñesa Qualisure.