As tecnoloxías colaborativas máis populares, ao detalle nunhas xornadas do IEEE da UVigo
martes, 23 de xuño do 2020
Integrantes
da Rama de Estudantes do IEEE, o Institute of Electrical and
Electronics Engineers da Universidade de Vigo, en colaboración cos
seus homólogos da UNED organizan esta semana (o venres e o sábado)
unhas xornadas de traballo colaborativo baixo a fórmula do formato
hackathon e poñendo o foco
nalgunhas das tecnoloxías de meirande proxección das que podemos
botar man para traballar creativa e colectivamente: aplicacións
móbiles, impresión 3D, Arduino, prototipado electrónico, Raspberry
Pi, Python, etc. Os
principais cabezas visíbeis do equipo organizador son
Juan Abia (Rama Estudantes IEEE-UVigo) e Pedro Plaza (Rama Estudantes
IEEE-UNED).
A
cita arrancará o venres ás 18.00 horas e ao longo desta primeira
sesión as persoas participantes recibirán nocións teóricas dunha
serie de tecnoloxías coas que poderán traballar ao longo das
seguintes actividades. Ao día seguinte, a partir das 17.00 horas,
habilitaranse unha serie de salas virtuais para que as persoas que
participen poidan traballar con cada unha das devanditas tecnoloxías
e realizar as consultas pertinentes ás correspondentes persoas
expertas, podendo os asistentes moverse por cada unha das salas para
que dean forma á súa idea coas tecnoloxías que consideren.
Se
ben esta actividade está dirixida ao propio alumnado da Rama de
Estudantes do IEEE na UVigo e na UNED, desde a organización fan
fincapé en que se trata dunha xornada aberta á participación de
“calquera estudante ou persoa con inquietudes no desenvolvemento de
ideas baseadas nunha ou varias das tecnoloxías sobre as que se vai
traballar” e, nestes senso, aclaran que, a pesar de ser unha
actividade en liña e gratuíta, para poder acceder é necesario
rexistrarse.
Tanto
Juan Abia, estudante de Enxeñaría Electrónica Industrial e
Automática na UVigo, como Pedro Plaza, doutor enxeñeiro industrial
experto en sistemas electrónicos, exercerán como moderadores nas
diferentes salas habilitadas para cada área, tanto nas sesións de
teoría como nas de traballo.
Ademais,
contarase tamén coa participación como experto de Alfonso Lago,
profesor do Departamento de Tecnoloxía Electrónica da Universidade
de Vigo, quen exerceu como vicepresidente da sección española do
IEEE durante o bienio 2018-2019, e do catedrático da UNED Manuel
Castro, quen en 2017 foi nomeado presidente emérito da sección
Educación do IEEE, o primeiro non norteamericano.