As unidades SSD T7 de Samsung chegan a España
luns, 1 de xuño do 2020
Samsung Electronics anunciou a chegada a España das súas unidades
SSD externas T7, tanto na súa versión básica como no modelo
Touch, que combinan un deseño elegante e compacto con velocidades de
transferencia moi rápidas baseadas no estándar USB 3.2 Gen 2.
As novas unidades de almacenamento de Samsung acadan velocidades de
transferencia de até 1.050 MB/segundo, o que supón case o dobre de velocidade
das unidades Samsung T5 e até 9,5 veces maior velocidade que os discos duros externos
tradicionais.
As novas unidades T7 están deseñadas para achegar almacenamento de xeito
seguro, permitindo incluso traballar con vÃdeos en 4K ou 8K, e podendo
conectarse a ordenadores, tabletas, televisores videoconsolas... que chegan ao
mercado en capacidades de 500 GB, 1 TB e 2 GB ao longo do mes de xuño. AÃnda
que están pensadas para conectarse mediante USB-C, tamén inclúen cable
conversor de USB-C a USB-A. Estas unidades parte dun prezo de 161,99 euros
(para o modelo de 500 GB).
A grande diferenza entre o modelo normal e o Touch é que este último integra un
lector de impresións dixitais como un xeito áxil de poder desbloquear os
contidos cifrados nas unidades de almacenamento mediante AES de 256 bits, aÃnda
que tamén é posible codificar os contidos mediante contrasinal. A diferenza de
prezo entre as unidades normais e as Touch é bastante reducida (nalgún caso
apenas supera o euro), polo que a decisión de compra entre un modelo e o outro
dependerÃa principalmente ao interese por protexer os contidos almacenados
nestas unidades externas.
- As unidades SSD T7 Touch inclúen un lector de impresións dixitais