Até 150 profesionais concorren en #SilverBullet17
mércores, 10 de maio do 2017
Este
11 de maio, quinta feira, temos unha xuntanza en Compostela (Cidade
da Cultura) con boa parte dos expertos galegos e estatais máis
referenciais en materia de xestión de proxectos TI e de metodoloxías
para levalos ao mellor porto posíbel (os proxectos TI). Falamos
do evento #SilverBullet17, o
I Congreso
de Xestión de Proxectos organizado polo CPETIG
(Colexio
Profesional de Enxeñaría Técnica en Informática de Galicia)
e a AMTEGA
e
concibido como “un foro de debate dirixido a empresas e
profesionais vencellados
á xestión de proxectos TI, expertos, investigadores e docentes
implicados na formación de futuros profesionais na área”. A cita,
precisamente, será inaugurada no auditorio do edificio CINC ao fío
das 9.30 horas polo presidente
do CPETIG, Marcos Mata, e a directora da AMTEGA,
Mar Pereira. Trala inauguración, darán comezo as
sesións
ás
que asistirán preto de 150 profesionais.
Nas
sesións intervirán Jaume Gurt, director de Organización e
Desenvolvemento de Persoas en Schibsted Spain (compañía que
xestiona os portais Infojobs, Fotocasa, Vibbo, Coches.net e
MilAnuncios); Javier Cebreiros, socio do espazo de innovación social
Impact Hub Vigo e da empresa InfoJC; José
Luis Iparraguirre, director de IAL Software Engineering; Carlos
González Jardón, consultor de Xestión de Proxectos en Tecnocom;
Javier Garzás, mentor áxil e experto en xestión de proxectos e
equipos; e
Susana Gómez Carnero, directora
executiva (CEO)
en Origami Soluciones e de
BNI Galicia.
A
organización de #SilverBullet17 está enmarcada nas actividades
conmemorativas programadas polo CPETIG con motivo da celebración de
seu X aniversario. Participan como patrocinadoras de #SilverBullet17
as empresas Bahía Software, Balidea, Councilbox, Ednon, Hacce
Conversion&Design
e Plexus. Quen
precise máis
información sobre
o evento pode visitar a web específica do congreso, silverbullet.cpetig.org.