Até 220 centros educativos traballan en competencias tecnolóxicas a través dos Polos Creativos
venres, 16 de setembro do 2022
O
conselleiro de Cultura e Educación, Román Rodríguez, e a delegada
da Xunta en Ferrol, Martina Aneiros, visitaron este 16 de setembro o
IES Breamo, en Pontedeume. Segundo lembraron, trátase dun dos 220
centros que van desenvolver este ano un Polo Creativo, unha
iniciativa para impulsar a dixitalización do ensino, que conta cun
orzamento de 8M€.
Román
Rodríguez recordou que os Polos Creativos son espazos de innovación
nos que se traballan as competencias STEM (Ciencia, Tecnoloxía,
Enxeñaría e Matemáticas), a co-creación, a solución de problemas
reais e o pensamento de deseño. Amais, fomentan a creatividade a
través da superación de retos, a consecución de proxectos, a
realización de prototipos e a construción de resultados tanxíbeis.
A dotación destes polos está conformada por máis de 22.000
elementos de material especializado como kits de robótica,
equipamento audiovisual, tabletas e taboleiros interactivos,
elementos de corte por control numérico, escaneado e impresión 3D,
entre outros.
Na visita, o conselleiro Román Rodríguez destacou a “enorme acollida” deste programa que se estrea este curso con 138 centros e que chegará neste trimestre a 220 en toda Galicia.