B&O comercializa un altofalante sen fíos que imita a un libro

Bang & Olufsen está a sorprender co lanzamento do Reosound Emerge, un altofalante Wi-Fi compacto para o fogar que diferenciase claramente da competencia polo seu deseño elegante e discreto, xa que adopta unha estética que permite que pase desapercibido en calquera estante no que se coloquen libros, á vez que tamén resulta atractivo por si mesmo á vez que ofrece unha boa calidade sonora e conta co opción de empregar o asistente de Google.
Este altofalante, en vez de apostar polo son en 360 graos, xa que está orientado á súa colocación en estantes, aposta por un son ultraamplo en 180 graos de grande potencia, resultando ideal para espazos secundarios do fogar e lugares cativos.
Tamén conta cun porto de graves integrado na súa parte traseira, co que consegue sons profundos e intensos, incluíndo tamén tecnoloxía Active Room Compensation que optimiza acusticamente o son do altofalante en función da estancia.
Estamos ante un produto moi ben deseñado, cunha estética impecable e grande calidade sonora, que como principal atranco tería o seu prezo, xa que o seu modelo en cor negra antracita custa 599 euros, mentres que o modelo en cor carballo claro con acabados en dourado chega até os 749 euros, deixando claro que estamos ante un produto dunha marca de luxo.