BLU presenta un smartphone de dobre SIM con pantalla Super AMOLED Plus

venres, 3 de agosto do 2012 Marcus Fernández

Aínda que en Europa os móbiles con dobre SIM non gocen do apoio dos operadores de telefonía móbil, moitos fabricantes continúan a apostar por eles ante a súa forte demanda noutros mercados, e un dos terminais máis destacables deste tipo é o VIVO 4.3 de BLU, fabricante que asegura que se trata do primeiro smartphone con dobre SIM e pantalla Super AMOLED Plus.
O VIVO 4.3 é un terminal cuatribanda bastante interesante, que funciona cun procesador de dobre núcleo a 1 GHz, 4 Gb de almacenamento interno ampliable mediante tarxetas microSD, a mencionada pantalla Super AMOLED Plus de 4,3 polgadas cunha resolución de 480 x 800 píxeles, cámaras de 8 e 1,3 Mpíxeles, Bluetooth 3.0, Wi-Fi, HSPA, toma para auriculares estándar e, para redondear o produto, o sistema operativo Android 4.0. Poderá adquirirse nos EE.UU. libre por 250 dólares (201,91 euros) a partires do mes que vén, para chegar máis tarde a outros mercados.

PUBLICIDADE