Balidea implanta a flexibilidade horaria e estende o teletraballo ao 100%
mércores, 17 de febreiro do 2021
A
empresa
tecnolóxica Balidea vén de implantar no seu seo a flexibilidade
horaria integral, co fin de estender a metodoloxía segura do
teletraballo ao cen por cen entre o seu equipo de traballadoras e
traballadoras.
Segundo
informan fontes da firma con sede en Santiago, “unha das
consecuencias derivadas da pandemia foi o cambio nos patróns de
conduta e de interacción social, a todos os niveis, o que fixo que o
traballo a distancia se convertese nunha das principais medidas
acometidas polas organizacións como medio de protección fronte ao
coronavirus”. Balidea lembra tamén que esta modalidade laboral xa
fora habilitada previamente, no verán de 2019.
En
orixe, esta opción ofrecía a posibilidade de realizar un 20% da
xornada a distancia aos traballadores e traballadoras da área de
Desenvolvemento e Produción TIC. Pero en marzo de 2020, coa
irrupción da pandemia, esta medida trasladouse á totalidade do
persoal e ampliouse ao 100% da xornada.
“Trátase”,
explica a empresa, “dunha medida que quedou xa instaurada e que se
viu ampliada neste 2021 grazas á posta en marcha dun piloto de
horario libre, testándose a flexibilidade horaria e ofrecendo ás
traballadoras e traballadores a posibilidade de decidir como querían
repartir a súa xornada laboral”.
Coa
posta en marcha destas e outras medidas Balidea pretende “contribuír
a mellorar a calidade de vida do persoal e favorecer, na medida do
posíbel, a conciliación da vida persoal e familiar”.