Beat Saber estrea multixogador en PSVR
luns, 25 de outubro do 2021
O xogo de realidade virtual Beat Saber non cesa de incorporar temas
musicais e novidades nas súas distintas versións, o que agradecerán desta volta
os usuarios de PlayStation VR, que coa
última actualización poden gozar do modo multixogador que facilita os
enfrontamentos con amigos ou rivais aleatorios de todo o mundo, que poden
competir en partidas públicas ou privadas de até 5 persoas, elixindo temas
musicais de balde do xogo base ou ritmos dos lotes de música que os usuarios
tivesen adquirido.
Neste novo modo podemos personalizar o noso avatar, creando un alter ego virtual
futurista que exprese a nosa personalidade e estilo.
Os xogadores reciben insignias para saber como lles foi na partida (de xeito
que indicarase quen foi o máis preciso ou quen foi o máis lento); os resultados
poden verse nunha cerimonia de podio con fogos artificiais; e incluso poden
personalizarse as cores do multixogador (elixindo as cores dos cubos e os
sables).
Aparte do modo multixogador, estes dÃas tamén están a estrear unha nova
cancións de balde co gallo da Halloween, Spooky Beat, de Jaroslav Beck,
que ambientarase nun contorno con temática arrepiante.