Belkin axuda a pasarse a Mac por USB

Apple leva moitos anos facendo campaña para que os usuarios de PC se pasen a Mac, e para facilitar a migración a estes switchers o fabricante Belkin comezará a vender en febreiro de 2009 en Europa (xa está á venda nos EE.UU. por 49,99 dólares) un cable USB que permite comunicar un PC e un Mac para transferir de xeito automatizado os documentos dun equipo ao outro.
O cable incorpora un asistente software compatible con Windows XP e Vista e Mac OS X 10.4 e 10.5, que traslada os ficheiros típicos de documentos, imaxes e películas, así como a configuración do navegador web, para que a migración a Mac sexa moi doada.