Bloomberg asegura que Samsung está a traballar en varios smartphones encartables
mércores, 6 de marzo do 2019
O
Samsung Galaxy Fold conseguiu sorprender coa súa presentación hai un par de
semanas, cunha proposta de smartphone con pantalla encartable apoiada por
unha pantalla externa e dotada con software que facilita a transición entre
ambas pantallas, pero cando se
deixou ver o Huawei Mate X no MWC Barcelona houbo quen pensou que resultaba
máis atractivo o deseño de empregar unha única pantalla flexible, facendo que o
dispositivo se encarte coa pantalla no exterior (o que, por outra banda, pode
ser un grande problema de cara a manter a integridade fÃsica da pantalla), polo
que non deberÃa sorprendernos que dende
Bloomberg apunten a que Samsung está a traballar nun par de novos smartphones
encartables, dos que un terÃa un formato semellante ao do Mate X (o que principalmente permitirÃa reducir o grosor do dispositivo).
Cómpre lembrar que estamos a falar dun novo segmento de dispositivos, polo que
os fabricantes están a explorar as posibilidades do hardware e o software, asÃ
como a resposta do público, de xeito que tardaremos bastantes meses en saber se
realmente son produtos que veñen para quedar ou rematan quedando na anécdota.
De feito, nas últimas semanas puidemos ver prototipos de numerosos fabricantes
chineses, que teñen nos seus laboratorios terminais semellantes ao Mate X, pero
non anuncian as súas intencións de levalos ao mercado, xa que prefiren non
correr riscos e comprobar antes se o mercado é receptivo a esta tecnoloxÃa que
aÃnda ten moito que mellorar, tanto na calidade e resistencia das pantallas
como na adaptación das aplicacións a este novo paradigma.
Dende Bloomberg aseguran que Samsung leva 8 anos traballando no Galaxy Fold, e agora
o seu obxectivo é conseguir que as pantallas flexibles poidan ter unha maior
duración, xa que un dobrado frecuente provoca a aparición de marcas na zona
flexible da pantalla, consecuencia da que buscan fuxir, para que a experiencia
de uso de teléfonos encartables non supoña un paso atrás demasiado traumático.