CIS Tecnoloxía e Deseño facilita con dous cursos o camiño das pemes ao programa Horizonte Europa
mércores, 28 de setembro do 2022
O
CIS Tecnoloxía e Deseño da Axencia Galega de Innovación, ao abeiro
das súas actividades enmarcadas na rede Enterprise Europe Network,
pon en marcha o próximo 3 de outubro unha
actividade formativa online dirixido a formar ás
pequenas e medianas empresas (pemes) galegas no programa Horizonte
Europa. Esta proposta de capacitación consta de dous cursos: un
dirixido a pemes sen experiencia previa na participación no programa
Horizonte Europa (11 horas) e outro a pemes con experiencia (14 horas
e 1,5 horas de mentorado).
GAIN
explica que para que “a formación se poida desenvolver dunha
maneira máis efectiva e personalizada o número de prazas é
limitado”. A selección das entidades participantes realizarase en
base á orde de inscrición. A data límite para a inscrición é
este 29 de setembro de 2022.
No
primeiro dos cursos, inclúense contidos como as principais
oportunidades que o Horizonte Europa pon en xogo para as pemes, o
portal do participante e os principais pasos para presentar un
proxecto a Horizonte Europa. Rematará coa elaboración dunha
proposta concreta (redacción, orzamento, solicitude, recursos que
nos aseguren o éxito).
A
segunda das actividades formativas, dirixida a pemes con experiencia
en programas europeos de I+D, compleméntase con contidos avanzados
relativos á redacción dos proxectos (anexos técnicos) e as
seccións de excelencia, implementación, e impacto, debullando polo
miúdo os topics particulares do programa Horizonte Europa.