Cabify achega viaxes de balde na Coruña para facilitar a vacinación de colectivos prioritarios
xoves, 15 de abril do 2021
Cabify,
firma tecnolóxica española de multimobilidade, e as organizacións
solidarias emancipaTIC, CEOMA (Confederación Española de
Organizacións de Maiores), e Down España van facilitar 25.000
desprazamentos a centros de vacinación masivos a persoas sénior e
con diversidades motrices, cognitivas e funcionais. Farao a través
da súa app en todas as cidades onde opera a compañía
tecnolóxica, incluída A Coruña.
Isto
traducirase en viaxes de balde para facilitar a mobilidade entre
estes grupos prioritarios aos seus centros onde se dispense a vacina.
A campaña estará activa até o vindeiro 30 de setembro, co código
de desconto “Vacuna2” e solicitando unha viaxe na categoría
Cabiby Life. Cubrirá viaxes de idade e volta cun importe de
30 euros.
A
colaboración con asociacións permitirá que os destinatarios desta
campaña poidan beneficiarse dela, e dispoñan de materiais
formativos e didácticos adaptados para facilitarlles a descarga da
aplicación móbil de Cabify e a súa utilización.
Para
esta campaña Cabify incluíu preto dunha trintena de centros de
vacinación habilitados en sete comunidades autónomas onde opera,
aos que se irán sumando nas próximas semanas as novas activacións
que se comuniquen desde as diferentes administracións públicas.