Caixanova e AJE organizan un curso de “Creación de empresas TIC” en Vigo

A AJE (Asociación de Jóvenes Empresarios de Vigo) en colaboración con Caixanova, vén de anunciar a organización dun curso de “Creación de Empresas TIC” dirixido a emprendedores e persoas que queren montar a súa propia empresa, de xeito que poidan xestionala eficazmente e coñezan de primeira man as subvencións ás que poderían acceder.
Este curso de 35 horas e de prazas limitadas, terá lugar no Centro Social de Caixanova de Vigo e impartirase de luns a mércores en horario de tarde.
As persoas interesadas en asistir ó devandito curso, teñen de prazo ata o vindeiro xoves 7 de xuño, para inscribirse en AJE Vigo a través do teléfono 986 226 053 ou vía Grupo Femxa a través do número 902 107 508.