Camaramar introduce máis cámaras e servizos nas nosas praias e portos
xoves, 9 de agosto do 2018
Un
dos principais recursos informativos dos surfeiros e dos seareiros en
xeral das nosas praias, a páxina web Camaramar,
vén de ser obxecto dunha importante remodelación. O sitio, que
ofrece información pormenorizada e actualizada sobre o vento e o
clima de cada areal da nosa costa, inclúe agora optimizacións
técnicas e tecnolóxicas e un deseño responsive que, como
como lembraremos, serve para que cada quen poida usar a páxina co
dispositivo que máis teña a man: un computador, unha tableta ou un
smartphone.
Segundo
contan dende SurfGZ, os traballos de actualización tamén serviron
para incluÃr novas cámaras dende novos puntos de vista, poñendo o
foco en engadir portos e praias da nosa costa aos xa existentes na
páxina. En total, estamos a falar de máis de medio cento de cámaras
web (52) de gran utilidade para tomarlle o pulso, a distancia, ás
condicións climáticas de cada recanto costeiro, e non só do
litoral atlántico e cantábrico, senón tamén ao mediterráneo.
Engadir
tamén que os responsábeis da web tamén reforzaron a actividade da
páxina en materia de acontecementos, brindando a posibilidade de
contratar novos servizos para eventos en directo, amais da opción de
conectarmos unha webcam aos servidores en streaming de
Camaramar.com.
Entre
os recursos engadidos tamén se engade un compás que indica se o mar
ou o vento é o axeitado para a práctica de deportes acuáticos,
amais de información sobre as mareas e previsións, máis grandes
para acadar unha mellor visibilidade no móbil de cada quen.