Casio estrea o seu primeiro reloxo con Android Wear
luns, 21 de marzo do 2016
O vindeiro venres Casio porá á venda nos EE.UU. a un prezo recomendado
de 500 dólares o seu novo reloxo Smart
Outdoor Watch WSD-F10, ou sexa, un smartwatch
deportivo que funciona con Android Wear, pero que é resistente á auga (até 50
metros) e cumpre cos estándares militares de resistencia (de xeito que está
reforzado para aguantar un uso en condicións bastante agresivas).
O WSD-F10 ten unha correa de uretano suave, vén equipado con numerosas
aplicacións de grande utilidade para os afeccionados ás actividades ao aire libre,
permite consultar información como a dirección, a altitude, a presión
atmosférica, as horas de saÃda e posta do sol, gráficos de mareas e gráficos de
actividades, entre outras cousas, e incluso pode empregarse para recibir
alertas de correo electrónico, consultar a predición meteorolóxica, ver mapas
ou realizar buscas por voz. Porase á venda en varias cores (vermello, verde,
negro e laranxa) a través de distintos distribuidores entre os que incluso está
Google, polo que é de agardar que en breve chegue tamén a mercados como o
español.
- O Casio WSD-F10 contará con numerosas aplicacións para amantes das actividades ao aire libre