Celebrado o sorteo de agosto de Padronvirtual.com
venres, 2 de setembro do 2011
O portal Padronvirtual.com
segue a subministrar agasallos entre os seus usuarios, logo de oito meses pasados
dende a súa
posta en marcha, que se materializou, precisamente, con agasallos de
diverso material tecnolóxico. Pois ben, como cada mes, o portal comercial da
bisbarra do Sar e concellos da contorna vén de celebrar un sorteo entre empresas
e usuarios particulares da dita web, sendo a gañadora desta nova xeira, a de
agosto, Mercedes Delgado Seoane, veciña da vila de Padrón.
O acto de entrega do premio, que consistiu nun set de viaxe con diverso material de
primeira necesidade, levouse a cabo o pasado martes 30, nunha cita que contou
coa presenza de Sindo González, representante da plataforma comercial en liña.
O encontro serviu tamén para dar a coñecer diversas novidades
relacionadas con portal e con vistas aos vindeiros meses. Entre máis inmediatas
inclúsese o sorteo dun set de Spa
para o mes de setembro e a posta en marcha na páxina da iniciativa comercial en
Facebook de diferentes actividades de promoción.