ChatGPT Images evoluciona para pórse á altura de Nano Banana Pro

OpenAI anunciou o lanzamento dunha nova versión de ChatGPT Images, ferramenta que integra capacidades avanzadas de xeración e edición de imaxes directamente dentro do seu ecosistema. A compañía encabezada por Sam Altman presentou esta novidade destacando que se trata dun paso máis na súa estratexia de combinar linguaxe e visión nun mesmo produto.
ChatGPT Images permite aos usuarios crear imaxes a partir de descricións textuais, así como modificar ou mellorar fotografías e gráficos xa existentes. A tecnoloxía está deseñada para funcionar de maneira segura e adaptada a diferentes perfís, desde particulares ata empresas e desenvolvedores. OpenAI subliña que o obxectivo é facilitar a creatividade e a produtividade sen comprometer os estándares de seguridade que a compañía di manter como prioridade.
Este lanzamento insírese nunha liña de innovacións recentes que buscan ampliar o alcance de ChatGPT máis alá da conversa textual e pode enmarcarse nunha serie de melloras que está a realizar OpenAI en resposta aos avances de Gemini, ou sexa, que con esta novidade ChatGPT estaría a colocarse á altura de Nano Banana Pro (ferramenta que goza de grande popularidade actualmente).