ChatGPT estrea WhatsApp

Dende OpenAI non paran de presentar novidades estes días, e coa que sorprenden agora é coa posibilidade de que os cidadáns estadounidenses poidan falar por teléfono co ChatGPT, mentres que fóra do seu país abren a posibilidade de comunicarse co ChatGPT a través de WhatsApp engadíndoo na nosa axenda co número de teléfono 1 (800) 2428478.
As posibilidades de conversa con ChatGPT a través de WhatsApp está limitada a mensaxes de texto, ou sexa, que non tira proveito das posibilidades multimodais do ChatGPT, deixando claro que estamos ante unha simple curiosidade que pode servir para introducir no mundo da IA a usuarios que non queren molestarse en instalar a aplicación móbil do servizo.
Estamos ante un paso máis do que supón o achegamento da tecnoloxía de ChatGPT a un público cada vez máis amplo, ao que tamén contribuirán ás últimas novidades, como a posibilidade de realizar buscas na web mediante IA.