Chega a España o Fire TV Stick 4K e o mando a distancia con control de voz

A familia de reprodutores multimedia de Amazon, os Fire TV, finalmente medra en España, incorporando o Fire TV Stick 4K e o mando a distancia con control por voz de Alexa, destacando este último por abrir a posibilidade de controlar a reprodución multimedia coa voz nos dispositivos de Amazon, o que tamén aplícase aos dispositivos Echo, que poden aproveitarse para controlar a reprodución en mans libres. Para facer estes novos produtos máis accesibles, por tempo limitado teñen prezos especiais.
O Fire TV é un dispositivo bastante popular, que a través dun porto HDMI pode achegar a un televisor os contidos de Prime Video, Netflix, YouTube, Atresplayer, Movistar+, RTVE A la carta e outras plataformas en liña, de aí que sexan populares como un xeito de converter un televisor nun Smart TV ou actualizar as prestacións dun Smart TV que quedou obsoleto.
O Fire TV Stick 4K é o modelo máis potente destes trebellos, que achega vídeo até unha resolución de ultra alta definición con compatibilidade con Dolby Vision, HDR e HDR10+, contando tamén co novo mando a distancia con control por voz.
Cómpre advertir de que o novo mando a distancia por voz de Alexa é compatible co Fire TV Basic Edition que até o momento estaba á venda en España.
As funcións de voz non só serven para iniciar a reprodución dunha serie de televisión, saltar un episodio ou abrir unha aplicación, senón que tamén é compatible coa electrónica doméstica que teñamos, polo que poderemos aproveitar esta tecnoloxía para controlar a iluminación, o termóstato e outros dispositivos compatibles, entre os que tamén figuran bastantes cámaras de vixilancia, que agora son máis accesibles que nunca.