Chega a iOS e Android o novo xogo de Padre de Familia

xoves, 10 de abril do 2014 Marcus Fernández

Como adiantamos a semana pasada, hoxe foi o día da estrea do novo xogo para dispositivos móbiles da serie de animación Padre de Familia, que parece querer imitar o éxito de Los Simpson: Springfield imitando a súa fórmula. Family Guy: En búsqueda de cosas pódese descargar xa de balde para dispositivos Android en Google Play e en versión para iPhone e iPad na App Store (esta última versión terá en exclusiva o desafío Oro del tonto). O xogo é de balde, aínda que instará á mercar ameixas e moedas do xogo con cartos reais para poder eliminar certas limitacións (como tempos de espera).
Family Guy: En búsqueda de cosas, xunta aos personaxes de Padre de Familia para salvar a cidade de Quahog. Permite desbloquear divertidos traxes para os personaxes (Peter serea, Quagmire en bikini, Lois Rambo...), reta ao xogador a manter a cidade a salvo de invasións de piratas e polos diabólicos e permite desbloquear centos de animacións tanto novas como clásicas, para diversión dos seareiros da serie de televisión.
Entre os idiomas para os que está dispoñible o xogo figuran o español e o portugués (de Brasil).


Vídeo de introdución do xogo


Vídeo promocional do xogo

PUBLICIDADE