Chega o décimo lote de xogos independentes baixo a marca Humble Bundle
martes, 7 de xaneiro do 2014
A iniciativa The Humble Bundle, en activo dende 2010, estrea
o seu décimo
lote de videoxogos independentes a un prezo que define o usuario, que
poderá facerse pola cantidade que desexe cos xogos To the Moon, Joe Danger 2:
The Movie, Papo & Yo e BIT.TRIP Presentes... Runner2: Future Legend
of Rhythm, mentres que, de pagar máis da media (4,40 euros no momento de
escribir estas liñas) será posible gozar
tamén de Reus e Surgeon Simulator 2013. Cada un dos xogos inclúe a súa banda sonora
e os beneficios acadados a través destas vendas irán a parar a entidades
benéficas (Child’s Play Charity e
Fronteiras Electrónicas).
- To the Moon é un dos xogos incluÃdos no último Humble Bundle
Este proxecto leva achegado máis de 30 millóns de dólares ata o momento a
entidades sen ánimo de lucro e, como vén sendo habitual, os xogos distribúense
sen DRM para Windows, Mac e Linux e coa posibilidade de que, os que paguen máis
dun dólar, poidan incorporar os xogos á súa biblioteca de Steam.
Dos tÃtulos recollidos neste lote humilde
cómpre destacar tÃtulos como Papo & Yo (gañador de
numeroso galardóns como o mellor quebracabezas dos Premios E3 2011 de IGN) ou o
emotivo xogo To the Moon (que pese
a ter uns gráficos bastante limitados consegue conmover coa súa historia e a
súa música).