Comeza a xuntanza de desenvolvedores Ghrelo Jam, que repartirá 1.500 euros en premios
luns, 10 de outubro do 2022
AGPI,
a Asociación Videoxogo.gal e a UDC van organizar este mes, entre
este luns 10 de outubro e o día 23, un encontro de desenvolvedores
dirixido a fomentar a creación colectiva e participativa de xogos
nun período curto de tempo. Trátase da Ghrelo
Jam, certame no que se van repartir até 1.5000 euros en
premios. Poderán participar desenvolvedores individualmente ou por
equipos.
En
palabras do equipo organizador, o evento Ghrelo Jam busca
reunir á comunidade creativa galega “para facer un bo caldo de
videoxogos facendo equipo con outros artistas visuais, programadores,
músicos, produtores, deseñadores, ou estrategas do marketing”.
Para sacar o mellor de cadanseus talentos e capacidades terán unha
semana enteira para facer os xogos programados, “co obxectivo de
que sexa unha jam pouco agresiva, breve e non faga tirarse dos
ghrelos”, explican, engadindo que “a ilustración de Xosé
Geada recolle á perfección a esencia enxebre do evento”.
Haberá
dous premios: ao mellor xogo (750 euros) e á mellor arte (750
euros).
Exercerá
de mestre de cerimonias Kunda
da Silva, que fará a presentación, os directos probando os
xogos participantes e a clausura, dende a canle de Twitch de
@DeVuegoGAL.
Kunda
da Silva, orixinario de A Coruña, é actor de voz, especializado en
videoxogos en @DeVuego, portal de actualidade do sector. Estreouse
co xogo galego Super Wooden GP e prestou á súa voz a títulos
coma Minabo, Inframundo ou Oxide Room: 104.
Axenda
Ghrelo Jam en liña
10 outubro -
Presentación do evento e do tema.
16-22 outubro -
Streaming dos xogos. Kunda da Silva proba os xogos dende a canle de
Twitch de DeVuegoGAL
23 de outubro ás
18:00 - Anuncio dos xogos gañadores. Twitch DeVuegoGAL
Xurado
– Miguel Areán.
Con máis de 25 anos de experiencia no sector TIC, é vogal de
videoxogo.gal e DEV (Asoc. Española de Empresas Productoras y
Desarrolladoras de Videojuegos). Socio fundador de Polygon-e estudio.
– Antonio Seoane.
Coordinador académico e profesor de deseño do Máster en Deseño,
Desenvolvemento e Comercialización de Videoxogos da Universidade da
Coruña. Máis de 10 anos de experiencia en animación 3D e efectos
especiais, deseño de proxectos de Realidade Virtual e simulación.
– Jorge Peral. É un
ilustrador e artista 2D da Coruña e concept artist en
Abylight Studios. Máis de 11 anos traballando no eido da ilustración
e seis adicado ó sector do videoxogo, publicando xogos como Drawn
to Life: Two Realms, Uniwar ou SuperMash.