Commodore volve coma un ordenador integrado nun teclado

A mediados dos anos 80 os ordenadores domésticos Commodore 64 foron todo un referente, conseguindo colocar uns 17 millóns de unidades no seu ciclo de vida, dando lugar a unha familia de equipos que chegou ao seu teito cos Commodore Amiga, ordenadores que competían na súa época cos Atari ST, os Apple e os IBM PC, e que estiveron á venda ata 1994, cando Commodore acolleuse á bancarrota, de aí que agora sorprenda que intente recuperar esta mítica marca, e agárdase que para primeiros de xuño chegue ao mercado norteamericano un novo equipo baixo a marca de Commodore, que o único que teñen en común cos vellos ordenadores é o concepto de ordenador integrado no teclado.
O novo ordenador de Commodore funciona cunha placa Intel G32 Express, un procesador Intel Core 2 Duo ou Core 2 Quad, ata 4 Gb de RAM, disco duro de entre 160 Gb e 2 Tb de capacidade (doado de actualizar), tarxeta gráfica Intel Graphics Media Accelerator 3100, Gigabit Ethernet, tarxeta de audio Realtek AL888 con capacidades para son envolvente Dolby Digital 5.1, 4 portos USB, 2 portos serie, 1 porto paralelo, 1 porto PS2 para rato e outro para teclado, touchpad de Synaptic con funcións multitáctiles, unidade óptica (CD ou DVD), conexión para dúas pantallas e opción para integrar conectividade Wi-Fi.