Como incrementar o noso negocio grazas á dixitalización, nunha nova sesión da Cámara de Santiago
mércores, 24 de novembro do 2021
A
Cámara de Comercio de Santiago vai organizar este 30 de novembro
unha xornada formativa sobre o potencial das novas tecnoloxÃas para
facermos mercado, aumentar pegada empresarial e incrementar os
usuarios dos nosos produtos e servizos.
O seminario Como atraer máis clientes a calquera negocio grazas á
dixitalización porá o foco no emprendemento feminino e
celebrarase na sede da Cámara de Comercio Santiago (40 da rúa
República Checa), en horario de 9.00 a 14.00 horas.
Virá
da man da Juan Luis Magariños Lapido, director e fundador de
Optimiza o teu Negocio. Juan Luis ten longa experiencia impartindo
asesoramento e formación integral a nivel nacional e internacional
para pemes, autónomos e emprendedores en áreas de negocio como a
produtividade, organización de procesos e persoas e dixitalización
en empresas de diferentes sectores e estruturas.
As
persoas interesadas en participar no seminario poden facer a
inscrición a través da
web da entidade cameral.
Esta
xornada formativa enmárcase dentro do Programa de Apoio Empresarial
ás Mulleres, orientado á promoción e apoio á actividade
empresarial feminina, que desenvolve a cámara compostelá en
colaboración coa Cámara de Comercio de España e conta co
co-financiamento do Fondo Social Europeo e do Instituto da Muller e
para a Igualdade de Oportunidades do Ministerio de Sanidade.