Compostela impulsa un proxecto para mergullar o comercio local nas novas ferramentas: Commarket Santiago
xoves, 7 de outubro do 2021
O
Concello
de Santiago vai impulsar un proxecto de dixitalización comercial:
Commarket Santiago, que a xunta de Goberno local decidiu
presentar á convocatoria de axudas do Ministerio de Industria para o
apio de mercados no Plan de recuperación, transformación e
resiliencia. O importe total do proxecto ascende a 639.791,44 euros;
dos que o Concello achega 132.675,44 euros. A cantidade restante,
507.116 euros, é a financiamento que se solicitou ao Ministerio de
Industria e Comercio na convocatoria de axudas.
Segundo
explicou o alcalde, Xosé Sánchez Bugallo, Commarket Santiago
engloba distintas accións de apoio o comercio, “algunhas que xa
existen”, como o programa Coidar para mellorar (que
inclúe cheques de consultoría e axudas de innovación para os
negocios), e outras de nova implantación vencelladas á
difusión e á dixitalización do comercio. Por exemplo a iniciativa
para dotar de carteis dixitais e intelixentes o ensanche e mailo
casco histórico (cun investimento estimado de 2.635,38 euros na
anualidade de 2021 e 232.320 euros na de 2022) ou a creación dun
banco de recursos e ferramentas tecnolóxicas (con especial
incidencia naquelas de descarga e uso gratuíto para autónomos e
pemes, dirixido á modernización da xestión dos negocios, contando
cun orzamento estimado de 17.500 euros na anualidade de 2022).
Tamén
se inclúen as seguintes medidas:
-Campaña
de difusión e posta en valor, nun entorno dixital, de experiencias
comerciais. Consiste na realización de vídeos protagonizados polo
empresariado local. Conta cun orzamento estimado para 2022 de 50.000
euros.
-Reconversión
da web www.comerciolocal.gal
na web principal, multifuncional impulsora e potenciadora dos centros
comerciais abertos composteláns; “unha plataforma pensada para ser
utilizada como medio de difusión dalgunhas das medidas comentadas en
puntos anteriores”. Conta cun orzamento de 6.500 euros na
anualidade 2021.
-Instalación
de rede Wi-Fi no Mercado de Abastos, cun investimento previsto, no
próximo exercicio, de 30.500 euros.
-Deseño
e desenvolvemento dunha plataforma de ecommerce para o Mercado
de Abastos, cun investimento previsto, para 2022, de 40.500 euros.